कार्यालयभित्र कुर्सीमा तौलिया किन लगाइन्छ ?

रामेछाप खबर संवाददाता

काठमाडौं ।

सामान्यतया: कुनै सरकारी कार्यालयमा जानुभयो भने अधिकारीहरू कुर्सीमा तौलिया लगाएर बसेका हुन्छन् ।

निजी क्षेत्रमा यो प्रचलन खास नचलेको भए पनि सरकारी क्षेत्रमा व्याप्त पाइन्छ । तर कहिल्लै तपाईंले आखिर किन यो सब गर्छन भनेर सोच्नु भएको छ ? तर हालै एक पत्रकारले यसबारे प्रश्न गरेका छन् ।

भारतको चर्चित पत्रिका दैनिक भास्करमा सम्पादकको रूपमा कार्यरत एलपी पन्तले ट्विटरमा एक प्रश्न सोध्दै भने, ‘कार्यालयमा अधिकारीहरुले कुर्सीमा तौलिया किन लगाउँछन् भन्ने कुरा आजसम्म बुझ्न सकेको छैन ।

यो तौलियाको समाजशास्त्र के हो, कुनै साथीले भन्न सक्नुहुन्छ ?’ त्यसको जवाफमा मानिसहरूले आ–आफ्नै तर्क दिएका छन् ।

राजस्थान प्रहरीका नायब उपरीक्षक धरम पुनियाले लेखेका छन्, ‘कुर्सीको सिट रेजिन, रबर वा छालाबाट बनेको हुन्छ, पसिना आउँछ, त्यसमा सिधै बस्नुभन्दा कपडाको रूपमा तौलिया लगाउँछन् ।

लामो रुटमा चल्ने बसका चालकले पनि सिटमा तौलिया लगाउँछन् ।’ तपाईं पनि आखिर किन तौलिया राखिन्छ भनेर आफ्नो विचार राख्न सक्नुहुन्छ ।

जान्नुहोस् कुन ग्रहका लागि कस्तो रुद्राक्ष धारण गर्ने ?
ज्योतिष शास्त्रका अनुसार अशुभ ग्रह, प्रतिकूल ग्रहयोगबाट बच्न शान्ति, दान, कवच धारण, रत्न धारण एवम् रुद्राक्ष धारण गर्नु आवश्यक हुन्छ ।

त्यसो भए कुन ग्रहका कस्तो रुद्राक्ष धारण गर्ने त ? यो आलेखमा कुन ग्रहका लागि कस्तो रुद्राक्ष धारण गर्ने भनेर उल्लेख गरिएको छ ।

सूर्यः सूर्यका लागि एकमुखे रुद्राक्ष धारण गर्नु लाभदायक हुन्छ । चन्द्रमाः चन्द्रमाका लागि दुईमुखे रुद्राक्ष धारण गर्नु लाभदायक हुन्छ । मंगलः मंगल ग्रहका लागि तीनमुखे एघारमुखे रुद्राक्ष धारण गर्नु लाभदायक हुन्छ ।

बुधः बुधका चारमुखे रुद्राक्ष धारण गर्नु लाभदायक हुन्छ । बृहस्पतिः बृहस्पति ग्रहका लागि पाँचमुखे रुद्राक्ष धारण गर्नु लाभदायक हुन्छ । शुक्रः शुक्र ग्रहका लागि छमुखे रुद्राक्ष धारण गर्नु लाभदायक हुन्छ ।

शनिः शनि ग्रहका लागि सातमुखे रुद्राक्ष धारण गर्नु लाभदायक हुन्छ । राहुः राहु ग्रहका लागि आठमुखे रुद्राक्ष धारण गर्नु लाभदायक हुन्छ । केतुः केतु ग्रहका लागि नौमुखे रुद्राक्ष धारण गर्नु लाभदायक हुन्छ । अशुभ योगका बेला यस्ता रुद्राक्ष धारण गर्दा लाभदायक हुन्छ । कालसर्प दोषः आठ एवम् नौमुखे रुद्राक्ष धारण गर्नु लाभदायक हुन्छ । शकट योगः दुई एवम् दशमुखे रुद्राक्ष धारण गर्नु लाभदायक हुन्छ ।

केमद्रुम योगः दुईमुखे रुद्राक्ष सेता धागोमा बाँधेर हरेक सोमबार लगाउन गर्नुहोस् । ग्रहण योगः सूर्य ग्रहण योगका लागि एकमुखे, आठमुखे या नौमुखे रुद्राक्ष रातो धागोमा बाँधेर आइतबार लगाउने गर्नुहोस् । यस्तै चन्द्र ग्रहण योगका लागि दुईमुखे, आठमुखे, या नौमुखे रुद्राक्ष सेतो धागोमा बाँधेर लगाउने गर्नुहोस् ।

मंगल दोषः एघारमुखे रुद्राक्ष रातो धागोमा बाँधेर मंगलबारका दिन लगाउने गर्नुहोस् ।