अब नेपालमा लकडाउन हुँदैन : अर्थमन्त्री शर्मा

रामेछाप खबर संवाददाता

२६ पुस, काठमाडौं ।

फाइल फोटो।
अर्थमन्त्री जनार्दन शर्माले देशमा अब लकडाउन नहुने बताएका छन्। बैंक तथा वित्तीय संस्था परिसंघको दोस्रो वार्षिक साधारणसभामा बोल्दै मन्त्री शर्माले कोरोना महामारीको अर्को लहर चलेसँगै भीडभाडमा कडाइ गरे पनि सरकार लकडाउनको पक्षमा नरहेको बताएका हुन्।

मन्त्री शर्माले सुरक्षित हुने उपाय अवलम्बन गरिए पनि लकडाउन नगरिने दाबी गरे। यसैबीच, मन्त्री शर्माले आयात थप रोक्ने नीति थप ल्याउने तयारी गरिरहेको बताएका छन्।

सँगै उद्योग र बैंकलाई नकारात्मक प्रभाव परेका नीति संशोधन हुने उनको भनाइ छ। मन्त्री शर्माले बैंक र उद्योगीले उत्पादनमुखी क्षेत्रमा लगानी गर्नुपर्ने बताउँदै बैंकको कर घटाउन छलफल गरिने तर संकटमा पनि नाफा कमाउनुपर्छ भन्ने मान्यताबाट बैंक चल्न नहुने बताए।

महेन्द्र रायलाई मन्त्रीबाट हटाउने उपेन्द्र यादवको प्रयास

जनता समाजवादी पार्टीभित्रको विवाद चुलिदै जाँदा अध्यक्ष उपेन्द्र यादव आक्रामक रुपमा प्रस्तुत हुन थालेका छन् । उनले पार्टीबाट मन्त्री बनेकालाई समेत हटाउने तयारी गरेका छन् ।

जसपाबाट कृषिमन्त्री बनेका महेन्द्र राय यादवलाई हटाउन उपेन्द्र यादवले भित्री तयारी थालेका छन् । प्रधानमन्त्री शेरबहादुर देउवाले मन्त्रीमण्डल पुर्नगठनको तयारी गरिरहँदा महेन्द्र रायलाई हटाएर आफ्ना विश्वासपात्रलाई लाने गरी यादवले तयारी थालेको बुझिएको छ ।

महेन्द्र यादवले आफूलाई असहयोग गरेको र बाबुराम भट्टराईसँग नजिकिएको भन्दै उपेन्द्र यादव असन्तुष्ट छन् । सर्लाहीमा महेन्द्र रायलाई चुनौती दिने गरी उपेन्द्र यादवले पार्टी समायोजनको कदम चाले । त्यसप्रति महेन्द्र उपेन्द्रसँग रुष्ट भए ।

उपेन्द्रले पार्टी बैठकमा आफूनिकटस्थ मार्फत् पार्टी विरोधी गतिविधि गर्नेलाई सरकारबाट फिर्ता बोलाउनुपर्छ भन्न लगाएका छन् । महेन्द्र रायतर्फ यो संकेत थियो ।

जसपाबाट सरकारमा जाँदा उपेन्द्रले महेन्द्रको नेतृत्वमा पठाउने चर्चा थियो । तर, महेन्द्रलाई भौतिक र संघीय मामला नदिई कृषि दिइयो । यसपछि महेन्द्र उपेन्द्रसँग असन्तुष्ट भएका थिए । महन्थ ठाकुरको साथ छाडेर उपेन्द्रलाई साथ दिएपनि मूल्यांकन नगरिएको भन्दै महेन्द्रले असन्तुष्टि पोखे । तर, पछि महेन्द्रलाई उनकै जिल्ला सर्लाहीमा उपेन्द्रले चुनौती दिन थाले । त्यसपछि दुई नेताबीच विवाद चुलियो ।

अब उपेन्द्रले महेन्द्रलाई सरकारबाट फिर्ता बोलाउने गरी कदम चाल्न लागेको बुझिएको छ । उनले देउवालाई भनेर मन्त्रीबाट फिर्ता बोलाउनेसम्म तयारी गर्न लागेको विश्वस्त स्रोतले बताएको छ ।