विदेश जानेहरूलाई कहाँ कहाँबाट दिइँदै छ जोनसन एन्ड जोनसन खोप ?

रामेछाप खबर संवाददाता

६ पुस, काठमाडौं ।

कोभिड–१९ विरुद्धको जोनसन एन्ड जोनसन खोप अनिवार्य गरेका मुलुकमा जान लागेका नागरिकका लागि सरकारले दोस्रो चरणअन्तर्गत आजदेखि सो खोप दिइँदै छ ।

आज काठमाडौंका वीरेन्द्र सैनिक अस्पताल छाउनी र नेपाल प्रहरी अस्पताल पानीपोखरीबाट जोनसन एन्ड जोनसनको खोप दिइँदै छ । भोलिदेखि भने काठमाडौंका थप केही अस्पतालबाट पनि यो खोप दिइने तयारी भइरहेको स्वास्थ्य कार्यालय काठमाडौंका प्रमुख शम्भु काफ्लेले बताए ।

यस्तै, ललितपुरमा भोलिदेखि खोप दिने गरी तयारी भइरहेको छ । ललितपुरमा यसअघि एष्ट्राजेनेका र भेरोसेल खोप दिने गरिएका ११ केन्द्रबाट जोनसन एन्ड जोनसन खोप दिइने स्वास्थ्य कार्यालय ललितपुरले जानकारी दिएको छ ।

खोप लिनका लागि सम्बन्धित मुलुकका लागि तयार पारिएको ट्राभल डकुमेन्ट अनिवार्य गरिएको छ । नेपालले दुई चरणमा गरी हालसम्म ३७ लाख ७६ हजार डोज जोनसन एन्ड जोनसन खोप प्राप्त गरेको छ ।

एमसिसीबारे सत्तारूढ पाँच दलको साझा धारणा बन्छ : श्रममन्त्री श्रेष्ठ

श्रम, रोजगार तथा सामाजिक सुरक्षामन्त्री कृष्णकुमार श्रेष्ठले अमेरिकी सहायता परियोजना मिलेनियम च्यालेन्ज कर्पोरेशन (एमसिसी)बारे सत्तारूढ पाँच दलको साझा धारणा बन्ने बताउनुभएको छ ।

गृहजिल्ला तनहुँको दमौलीमा सोमबार सञ्चारकर्मीसँग कुरा गर्दै मन्त्री श्रेष्ठले सत्तारुढ गठबन्धनमा एमसिसीबारे साझा धारणा बनाउन कार्यदल गठन भएको र छिट्टै साझा धारणा सार्वजनिक गरिने बताउनुभयो । एमसिसीका अन्तरवस्तुका बारेमा पार्टीभित्र पनि छलफल भइरहेको उहाँको भनाइ थियो ।

फरक प्रसङ्गमा मन्त्री श्रेष्ठले श्रम क्षेत्रमा वैदेशिक रोजगारीलाई व्यवस्थित बनाउन, नीतिगत सुधार गर्न, श्रम कूटनीतिलाई प्रभावकारी बनाउन आफू केन्द्रित रहेको बताउनुभयो । देशभित्र रोगजारीको अवसर वृद्धि गर्ने, स्वरोजगारीका लागि प्रोत्साहित गर्ने तथा सम्मानजनक वैदेशिक रोजगारीका लागि विभिन्न सुधारका काम अघि बढाइएको उहाँले बताउनुभयो ।

वैदेशिक रोजगारीका नाममा हुने ठगी र छलीका घटना अन्त्य गर्न कार्यदल बनाएको बताउनुहुँदै उहाँले वैदेशिक रोजगार नीति तथा कार्ययोजना पुनरावलोकन गर्न लागिएको बताउनुभयो । रोजगारीका लागि तुलनात्मक लाभ भएका रोजगार गन्तव्य मुलुकहरूको खोजी गर्ने र उक्त मुलुकमा नेपाली श्रमिकको हकहित संरक्षण र संवद्र्धनका लागि पहल गर्नेसमेत उहाँले बताउनुभयो ।