दुखद खबर : सुमोको ठक्करबाट रामेछापका ३५ वर्षीय वर्देवाको मृत्यु

रामेछाप खबर संवाददाता

२९ मंसिर, रामेछाप ।

सांकेतिक तस्विर
सिन्धुलीको सुनकोशी गाउँपालिका–१ बलुवास्थित सडकमा मोटरसाइकल दुर्घटना हुँदा रामेछापका एक युवकको मृत्यु भएको छ । मंगलवार बा .प्र. ०२(०३० प ८६५६ नम्बरको मोटरसाइकल र ना.१ ज ६२६४ नम्बरको सुमो मंगलवार दिउँसो दुर्घटना हुँदा मोटरसाइकल चालक रामेछाप मन्थली नगरपालिका–१३ फुलासी बस्ने ३५ वर्षीय रोशन बर्देवाको मृत्यु भएको हो ।

जिल्ला प्रहरी कार्यालय सिन्धुलीका अनुसार दुवै सवारी साधन एकआपसमा ठक्कर खाई भएको दुर्घटनामा गम्भीर घाइते भएका उनको काभ्रेको धुलिखेल अस्पतालमा उपचारको क्रममा मृत्यु भएको हो । साथै दुर्घटनामा घाइते भएकी मोटरसाइकलमा सवार रामेछाप मन्थली नगरपालिका–१३ फुलासी बस्ने २० वर्षीया मन्जु मगरको सोही अस्पतालमा उपचार भइरहेको छ । सुमो चालकलाई प्रहरीले नियन्त्रणमा लिएको छ ।

सिद्धार्थ बैंकको प्रमुख कार्यकारी अधिकृतमा रामेछापका कँडेल नियुक्त

सिद्धार्थ बैंकको प्रमुख कार्यकारी अधिकृतमा सुन्दर प्रसाद कँडेल नियुक्त भएका छन् । रामेछाप मन्थली नगरपालिका–८ चिसापानी निवास कँडेललाई बैंकको संचालक समितिको बैठकले हाल बैंकका कायम मुकायम प्रमुख कार्यकारी अधिकृतबाट सीइओमा नियुक्त गर्ने निर्णय गरेको हो । कँडेललाई ४ वर्षको लागि सीईओ नियुक्त गर्ने निर्णय गरिएको छ ।

बैंकका प्रमुख कार्यकारी अधिकृत शम्भु नाथ गौतमको कार्यकाल सकिएपछि बैंकका नायव प्रमुख कार्यकारी अधिकृत रहेका कँडेललाई बैंकले कायम मुकायम प्रमुख कार्यकारी अधिकृतको जिम्मेवारी दिएको थियो । बैकका नवनियुक्त सीईयो कँडेल रामेछाप निवासी हुन् । कँडेल रामेछापस्थित गौरीशकंर माविमा पूर्व विद्यार्थी समेत हुन् ।