मलेसियामा न्युनतम तलब RM १५०० कम्पनीले नदिए कम्पनी ठप्प पार्ने चेतावनी

रामेछाप खबर संवाददाता

२६ मंसिर, काठमाडौं ।

सन् २०२२ को शुरूदेखि नै मासिक तलब १५ सय रिंगेट र मासिक ३ तीन सय रिंगेट भत्ता हुनुपर्ने माग गर्दै मलेसियामा मजदुर सडकमा
तलब वृद्धिको माग गर्दै मलेसियन ट्रेड युनियन कांग्रेस नेतृत्वमा मजदुरहरू सडकमा आएका हुन् । हाल मलेसियामा स्वदेशी तथा विदेशी कामदारले न्यूनतम मासिक १२ रिंगेट पाइरहेका छन् ।

मलेसियन ट्रेड युनियन कांग्रेसका महासचिव कामारूल बहारिन मन्सुरले बढ्दो महंगीले मजदुरको जीवन सञ्चालनमा संकट उत्पन्न भएको भन्दै तलब तथा भत्ता बढ्नुपर्ने बताए । मलेसियामा सन् २०२० देखि नै मजदुर संगठनहरूले तलब वृद्धिको माग गर्दै आएका छन् । तर कोरोनाको कारणले तलब वृद्धिको विषय अगाडि आएको थिएन ।

मलेसियन ट्रेड युनियन कांग्रेसले राष्ट्रिय तलब परामर्श परिषद् मार्फत राष्ट्रिय श्रम सल्लाहकार परिषद्मा सरकार, रोजगारदाता र कर्मचारीबीच मजदुरको तलब सुविधा बढाउने विषयमा त्रिपक्षीय छलफल हुनुपर्ने माग गरेको छ । मलेसियाका मजदुर संगठनहरूले प्रत्येक २ वर्षमा न्यूनतम पारिश्रमिकको पुनरावलोकन हुनुपर्ने माग गर्दै आइरहेका छन् ।

बिश्वमा सबैभन्दा कम काम गराउने देश बन्यो युएइ, तलब भने यस्तो..

काठमाडौं। संयुक्त अरब इमिरेट्सले आफ्ना कर्मचारीलाई यो नयाँ वर्षमा आरामको उपहार दिने भएको छ । २०२२ को जनवरी १ देखि युएइमा हप्तामा केवल साढे ४ दिन काम हुनेछ । साढे २ दिन विदा हुनेछ । युएइ सरकारले यस बारे आधिकारिक वक्तव्य जारी गरेको छ ।

आगामी केही दिनमा सबै सरकारी कार्यालयमा सर्कुलर पठाइनेछ । युएइ विश्वको पहिलो देश हो जहाँ हप्तामा काम गर्ने समय सबैभन्दा कम गरिएको छ । विश्वका धेरैजसो देशमा हप्तामा ५ दिन काम गर्ने प्रचलन छ । नेपालमा भने हप्तामा ६ दिन काम गर्नुपर्छ ।

युएइको अखबार द नेशनलका अनुसार नयाँ वर्किङ क्यालेण्डर १ जनवरी २०२२ देखि लागू गर्ने योजना बनाइएको छ ताकि यसलाई लागू गर्न कुनै किसिमको समस्या लआओस् । युएइमा कर्मचारीहरुको लागि जस्तो किसिमका नियम छन् त्यसको आधारमा छिटै देशको निजी क्षेत्रले पनि यस्तै गर्ने अनुमान गरिएको छ ।
अहिलेलाई यो नियम केवल सरकारी कर्मचारीको लागि लागू गरिएको छ । अब शुक्रबार केवल आधा दिन काम हुनेछ । शनिबार र आइतबार पूरै विदा हुनेछ । आदेशअनुसार शुक्रबार कर्मचारीहरुले आधा दिनको काम पनि घरबाटै गर्न चाहेमा अनुमति पाउनेछन् । दुबइ र अबुधाबीमा सरकारको यो घोषणाले कर्मचारी निकै खुसी छन् ।

रिपोर्टका अनुसार छिटै देशका स्कुल र कलेजले पनि नयाँ नियम लागू गर्नेछन् । यस बारेमा छुट्टै सर्कुलर जारी गरिन सक्छ । स्कुल र निजी षेत्रका बारेमा अहिले कुनै किसिमको गाइडलाइन जारी गरिएको छैन । कम्पनीहरुले यस बारेमा आफैं निर्णय गर्नेछन् ।

युएइ सरकारको आधिकारिक मिडिया सेलले भनेको छ ‘यदि हामी कर्मचारीहरुलाई कामको बदलामा उत्तिकै आराम दिन्छौं भने उनीहरुको उत्पादकत्वमा वृद्धि हुनेछ । यसबाट देशलाई नै फाइदा हुनेछ ।’ युएइले २००६ मा अन्तिम पटक वर्किङ विक प्याटर्न परिवर्तन गरेको थियो । त्यतिबेला बिहीबार र शुक्रबारको सट्टा शुक्रबार र शनिबार विदा हुने घोषणा गरिएको थियो ।

युएइ सरकारका अनुसार उसले ग्लोबल मार्केटको प्याटर्न पच्छ्याउन चाहेको बताएको छ । १९७१ देखि १९९९ सम्म देशमा ६ दिन काम हुन्थ्यो । १९९९ मा यसलाई परिवर्तन गरेर पाँच दिन बनाइएको थियो । २०२२ देखि यसलाई पनि परिवर्तन गरेर साढे ४ दिन बनाइएको हो ।