मलेसियाले हालसम्म कति वटा देशबाट आउन बन्देज लगाएको छ ?

रामेछाप खबर संवाददाता

२२ मंसिर, काठमाडौं ।

मलेसियास्थित नेपाली दूतावासले मलेसिया ट्रान्जिट भई यात्रा गर्ने सबैलाई गन्तव्य मुलुकमा प्रवेश सम्बन्धी सम्पूर्ण कागजात तथा पछिल्लो नियमहरुको जानकारी राखेर मात्र यात्रा आग्रह गरेको छ ।

यस्तै मलेसिया ट्रान्जिटका क्रममा केही समस्या भएमा दूतावासको हटलाइनमा सम्पर्क गर्न पनि आग्रह गरेकोे छ । दक्षिण अफ्रिका हुँदै कोरोनाको ओमिक्रोन भेरियन्ट संसारका विभिन्न मुलुकहरुमा फैलँदै गएको छ ।

हालसम्म नेपाली कामदार कार्यरत मलेसिया, साउदी अरेबिया, संयुक्त अरब इमिरेट्स लगायतका मुलुकहरुमा नयाँ भेरियन्टको संक्रमित फेला परेपछि यात्रामा उच्च सतर्कता अपनाइएको छ । मलेसियाले २६ वटा देशबाट आउन बन्देज लगाएको छ ।

कतारमा म्याद सकिएको आकामा रिन्यु गर्न लाग्ने जरिवानामा ५० प्रतिशत छुट

कतारको आन्तरिक मन्त्रालयले म्याद सकिएका आवासीय अनुमति पत्र नवीकरण गर्न लाग्ने शुल्क तथा जरिमाना राशिमा यही ३१ डिसेम्बर २०२१ सम्म ५० प्रतिशत सहुलियत (मिनाहा) दिइने जनाइएको छ । मन्त्रालयले एक विज्ञप्ति गरी गर्दै कानुन उल्लङ्घन गर्ने कम्पनीहरूले आफ्ना कामदारहरूको लागि आवास अनुमतिको प्रक्रिया पूरा नगरेको वा उल्लङ्घन गरेका आप्रवासी कामदारहरूको आवासीय अनुमति पत्र नवीकरण गर्न चाहिने शुल्कमा ५० प्रतिशत छुट दिने घोषणा गरेको छ।

कानुन उल्लङ्घन गर्ने प्रत्येक आप्रवासी वा रोजगारदाता कम्पनीले तोकिएको अवधिभित्र मेलमिलापको लागि अनुसन्धान र अनुगमन विभाग वा कुनै पनि निकायमा पुगेर अनुरोध पेस गर्न नसक्ने एकीकृत सेवा विभागका निर्देशक ब्रिगेड अब्दुल्लाह अल अन्सारीले जानकारी दिए ।

दिउँसो १ बजेदेखि साँझ ६ बजेसम्म मन्त्रालयले तोकेको केन्द्रहरूमा गएर यी कानुन उल्लङ्घन आवास अनुमति उल्लङ्घन गर्ने, कामको भिसा उल्लङ्घन गर्ने, र परिवार भिसा उल्लङ्घन गर्ने आप्रवासीहरुले आफ्नो अवैध स्थिति सच्याउन सकिने निर्देशक अल अन्सारीले बताए ।

अवैध रूपमा बसेका आप्रवासीहरूले देशभित्रको कानुनी स्थिति सच्याउने र उनीहरूलाई सबै कानुनी जिम्मेवारीबाट छुट दिई देश छाड्न अनुमति दिइने मन्त्रालयले जनाएको छ । आममाफीको समय अवधि १० अक्टोबर देखि सुरु भएको र ३१ डिसेम्बरमा समाप्त हुने जनाएको छ ।

कतार सरकारको निर्णय गरेसँगै यहाँ गैरकानुनी रूपमा बसेका थुप्रै नेपालीहरु लाभान्वित हुने अपेक्षा गरिएको छ । कतारमा अहिले विभिन्न क्षेत्रमा गरी ३ लाख १२ हजार ६५० नेपाली कानुनी रूपमा कार्यरत छन्। जसमा ११ हजार ९० जना महिला पनि कार्यरत छन् ।