नेपाली युवतीलाई अफ्रिकाको डान्सबारमा बेच्नेलाई ३० वर्षको जेल सजाय

रामेछाप खबर संवाददाता

१२ मंसिर, काठमाडौं ।

नेपाली युवतीहरुलाई अफ्रिकाको डान्सबारमा लगेर बेच्ने क्यानडाका तस्करलाई ३० वर्षको जेल सजाय सुनाइएको छ ।केन्याको एक अदालतले नेपाली युवतीहरुको तस्कीरी गरेको पुष्टि भएपछि उक्त फैसला गरेको हो । क्यानडियन व्यापारी असिफ अमिराली अलिभाई जेठा नामका ती व्यक्तिलाई नेपाली युवतीहरुलाई अफ्रिकाको डान्सबारमा लगेर बेचेको पुष्टि भएको थियो ।

उक्त पुष्टि भने मुम्बासाको अदालतले पुष्टि गरेको थियो । उनले १२ नेपाली महिलाहरुलाइ तस्कर गरी अफ्रिका पुर्याएको अदालतले पुष्टि गरेको थियो ।

अदालतले उनलाई मानव तस्करी, तस्करीको प्रवर्धन र यात्रा सम्वन्धी कागजपत्र परिवर्तन गरेकोमा दोषी देखाएको छ । वर्क पर्मिटबिना विदेशीलाई काममा लगाएको भन्दै उनलाई ११ लाख स्थानीय मुद्रासमेत जारिवाना गर्ने अदालतले फैसला गरेको छ ।

पाकिस्तानको पेशावरमा विद्यार्थी युनियनमाथिको प्रतिबन्धको विरोधमा प्रदर्शन

पेशावर शहरका विद्यार्थीहरूले विद्यार्थी युनियनहरूमाथि प्रतिबन्ध लगाइएकोमा इमरान खानको सरकारको विरोधमा शुक्रबार विरोध र्याली गरेका छन्। विद्यार्थीलाई सुविधा उपलब्ध गराउनुपर्ने माग लेखिएका प्लेकार्ड तथा ब्यानर बोकेका विद्यार्थीले प्रदर्शनमा भाग लिएका थिए । प्रदर्शनकारीहरूले विद्यार्थी युनियनहरूको पुनर्स्थापनाको माग गरेका छन् ।

विद्यार्थी नेता कासिम खानले मार्शल लबाट विद्यार्थी युनियनलाई प्रतिबन्ध लगाएको भए पनि पछिल्ला सरकारले पनि प्रतिबन्धलाई निरन्तरता दिएको बताएका छन् ।

कासिम खानले विद्यार्थी युनियनमाथिको प्रतिबन्ध संविधानको धारा १७ को स्पष्ट उल्लङ्घन भएको बताए, जसमा भनिएको छ, “प्रत्येक नागरिकलाई सार्वभौमसत्ता वा अखण्डताको हितमा कानूनले लगाएको कुनै पनि उचित प्रतिबन्धको अधीनमा संघ वा युनियनहरू खोल्ने अधिकार हुनेछ।