बिहे गर्न मण्डपमा बसेका दुलाहाविरुद्ध पूर्व प्रेमिकाको एक फोनले हंगामा, प्रहरी नै पुग्यो

रामेछाप खबर संवाददाता

७ मंसिर, काठमाडौं ।

पुरानो प्रेम कहानी बिर्सिंदै नयाँसँग बिहे गर्न ठिक्क परेर मण्डपमा बसेका दुलाहाका निम्ति पूर्व प्रेमिकाले संकट निम्त्याएको घटना भारतको बिहारबाट सार्वजनिक भएको छ ।

बिहारको खगडिया जिल्लामा बिहेका लागि दुलाहा पोशाकमा सजिएर मण्डपमा बसेका थिए, जन्ती खुशीयाली मनाइरहेका थिए । तर अकस्मात संकट आइलाग्यो ।

खगडिया जिल्लाको तेमथा गाउँमा बस्ने राहुलकुमार मिश्राले पूर्व प्रेमिकालाई धोका दिएर नयाँसँग बिहे गर्न लागिरहेका थिए । त्यो थाहा पाएपछि पूर्व प्रेमिकाले प्रहरीमा उजुरी गरिन् र प्रहरीले बिहेकै दिन बिहे कार्यक्रममा पुगेर राहुललाई पक्राउ गर्‍यो । पूर्व प्रेमिकाले बिहे भइरहेको ठेगानाबारे प्रहरीले टेलिफोनबाट तत्कालै जानकारी दिएकी भारतीय सञ्चारमाध्यमले जनाएका छन् ।

अकस्मात यस्तो घटना भएपछि सबै हेरेको हेर्‍यै भए । राहुलले आफ्नो घरबाट टाढा काकाको घरमा गएर बिहे गर्न खोजेका थिए ।