सुनको मूल्य आकासियो,आज हुदैछ कारोवार ?

काठमाडौं, ३० कात्तिक ।

नेपालको सुनचाँदी बजारमा आज छापावाल सुनको मूल्य प्रतितोला रू ५०० ले बृद्धि भएर रू ९४ हजार ८०० कायम भएको छ । सोमबार सुन प्रतितोला रू ९४ हजार ३०० मा कारोबार भएको थियो ।नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रू ९४ हजार ३०० रहेको छ ।

अघिल्लो दिन तेजाबी सुन प्रतितोला रू ९३ हजार ८०० तोकिएको थियो । त्यस्तै आज चाँदीको मूल्य सोमबारका तुलनामा रू १० ले वृद्धी भएर रू एक हजार २९० कायम भएको महासङ्घले जनाएको छ । चाँदी शुक्रबार प्रतितोला रू एक हजार २८० मा कारोबार भएको थियो । अन्तरराष्ट्रिय बजारमा आज सुन प्रतिऔँस एक हजार ८६६ डलर आसपासमा कारोबार भइरहेको छ ।

पहिलो त्रैमाससम्म नेपाल दुरसञ्चार कम्पनीको खुद नाफा २ अर्बभन्दा बढी

काठमाडौं । चालू आर्थिक वर्षको पहिलो त्रैमाससम्म नेपाल दुरसञ्चार कम्पनीले २ अर्ब २५ करोड ९९ लाख ४ हजार रुपैयाँ खुद नाफा गरेको छ । मंगलवार सार्वजनिक कम्पनीको उक्त अवधिसम्मको अपस्किृत वित्तीय विवरण अनुसार गत वर्षभन्दा यस वर्ष खुद नाफा ४८ दशमलव ९० प्रतिशत बृद्धि भएको हो । गत वर्ष यस अवधिसम्म कम्पनीले १ अर्ब ५१ करोड ७७ लाख ६९ हजार रुपैयाँ खुद नाफा गरेको थियो ।

यस वर्ष कुल आम्दानी ८ दशमलव ३९ प्रतिशत बढेकाले पनि खुद नाफा बढ्न सहयोग मिलेको हो । गत वर्ष १० अर्ब १० करोड ४४ लाख ७५ हजार रुपैयाँ कुल आम्दानी गरेको कम्पनीले यस वर्ष १० अर्ब ९५ करोड २३ लाख ४६ हजार रुपैयाँ यो आम्दानी गरेको हो । हाल कम्पनीको चुक्तापूँजी १५ अर्ब रुपैयाँ रहेको छ । जगेडा कोष रकम गत वर्षभन्दा यस वर्ष २ दशमलव ७१ प्रतिशत बढेर ८३ अर्ब ८२ करोड १९ लाख ९९ हजार रुपैयाँ कायम भएको छ । कम्पनीको वार्षिक प्रतिशेयर आम्दानी ६० दशमलव २६ रुपैयाँ र प्रतिशेयर नेटवर्थ ६५८ दशमलव ८१ रुपैयाँ छ ।