सेवा निवृत्त विदेशीलाई आवासीय भिसा दिने यूएईको घोषणा ! को को ले पाउदैछन त् यो सुबिधा ?

रामेछाप खबर संवाददाता

दुबई ।

यूएईमा अवकास प्राप्त (सेवा निवृत्त) आप्रवासी श्रमिकले अबदेखि यहाँको आवास सुविधा पाउने भएका छन्। यूएईको मन्त्रिपरिपषद्ले मंगलबार अवकास प्राप्त आप्रवासी श्रमिकलाई आवासीय सुविधा दिने कानूनको संसोधन गरेको हो।

यूएईका उप–राष्ट्रपति एव्म प्रधानमन्त्री तथा दुबईका प्रशासक शेख मोहमम्द बिन रसिद अल–मोक्तमले एक्सपो २०२० दुबईमा मन्त्रिपरिषद्को बैठकमा सभापतिको आसनबाट बोल्दै अवकास प्राप्त आप्रवासीलाई आवास (रेसिडेन्सी) प्रदान गर्ने घोषणा गरेका हुन्।

उनले यस विषयमा ट्वीट गर्दै भनेका छन्,‘हामीले हाम्रो देशमा सबैलाई स्वागत गर्दछौं।’ नयाँ संसोधन अनुसार त्यसरी आवासीय (रेसिडेन्सी) सुविधा प्राप्त गर्नको लागि केही शर्तहरु भने पूरा गर्नुपर्नेछ । जसअनुसार १० लाख दिराम

वा सो भन्दा बढी सम्पत्ति (प्रोर्पटी) कुनै ईमिरेट्समा भएको हुनुपर्नेछ अथवा वार्षिक १० लाख दिराम वा सो भन्दा बढी रकम बैंक खातामा हुनुपर्नेछ । यस्तै वार्षिक१ लाख ८० हजार दिराम आयोश्रोत भएकोले पनि यो सुविाधा प्राप्त गर्नेछन् । प्रबास खबर बाट साभार

कोरिया सरकारलाई नेपालले भन्यो : इ’पिएस उत्तीर्ण गरेकालाई चाँडो लैजाने व्यवस्था होस्

काठमाडौं : सरकारले रोजगार अनुमति प्रणाली (इपि’एस) परीक्षा उत्तीर्ण गरेका नेपाली कामदारलाई जतिसक्दो चाँडो लैजाने व्यवस्था गर्न कोरिया सरकारसँग अनुरोध गरेको छ। नेपाल र गणतन्त्र कोरियाबीच बुधबार यहाँ सम्पन्न द्विपक्षीय परामर्श संयन्त्रको पाँचौँ बैठकमा सरकारले परीक्षा उत्तीर्ण गरेकालाई शीघ्र कोरिया लैजान अनुरोध गरेको हो। साथै सरकारले इपिएसअन्तर्गत नेपालका लागि कोटा सङ्ख्या बढाउन आग्रह पनि गरेको छ।

बैठकमा दुई पक्षबीच को’भिड–१’९ विरु’द्ध प्रतिकार्य र पुनरुत्थान, व्यापार, लगानी, रोजगारी, ऊर्जा, प्रविधि, शिक्षा, पर्यटन, संस्कृति र जनस्तरको सम्बन्धका क्षेत्रमा सहकार्यलाई थप प्रवद्र्धन गर्ने विषयमा छलफल भएको परराष्ट्र मन्त्रालयका सहसचिव लोकबहादुर थापाले जानकारी दिए।

‘दुवै देशको अर्थतन्त्रमा कोरियामा रहेका नेपाली कामदारको योगदान महत्वपूर्ण रहेको स्वीकार गर्दै दुवै पक्षले रोजगार इपि’एससम्बन्धी समझदारी पत्रलाई चाँडोभन्दा चाँडो नवीकरण गर्नुपर्नेमा सहमति जनाएका छन्,’ परराष्ट्र मन्त्रालयको उत्तर पूर्व एसिया महाशाखाका प्रमुख एवं नेपाली प्रतिनिधिमण्डलका नेता थापाले भने।

बैठकमा नेपाल–कोरिया सम्बन्धको समग्र पक्षबारे विचारविमर्श हुनाका साथै दुई देशबीचको मैत्रीपूर्ण सम्बन्धलाई थप प्रवद्र्धन गर्न उच्चस्तरीय भ्रमण आदानप्रदान र संलग्नतामा जोड दिइएको थियो। छलफलका क्रममा दुवै पक्षले संयुक्त राष्ट्रसङ्घ र दक्षिण एसियाली क्षेत्रीय सहयोग सङ्गठन (सार्क)लगायत क्षेत्रीय तथा बहुपक्षीय तहमा पारस्परिक लाभका क्षेत्रमा सम्भावित सहयोगबारे पनि विचार आदान प्रदान गरेका थिए।

थापा नेतृत्वको प्रतिनिधिमण्डलमा नेपाल सरकारका विभिन्न मन्त्रालयका वरिष्ठ अधिकारीको सहभागिता थियो भने र कोरियाली प्रतिनिधिमण्डलमा दक्षिण एसियाली तथा प्रशान्त मामिला ब्यूरोका महानिर्देशक सङ्ग्र्योल लीसहित कोरियाली परराष्ट्र मन्त्रालय, यहाँस्थित कोरियाली दूतावासका अधिकारी, कोरियाली अन्तर्राष्ट्रिय सहयोग नियोग (को’इका) नेपाल कार्यालयका देशीय निर्देशक र प्रतिनिधि सहभागी थिए।

बुधबार नै परराष्ट्र सचिव भरतराज पौड्यालसँग महानिर्देशक सङ्ग्र्योल ली लीले शिष्टाचार भेट गरे। भेटमा आपसी हितका विविध विषयमा छलफल भएको थियो। रासस