ट्रक ड्राइभरको तलब एक करोड !

रामेछाप खबर संवाददाता

काठमाडौं, ७ असोज ।

नेपालमा ट्रक चालकको तलब कति हुन्छ होला ? बढीमा मासिक ७० हजारसम्म हुन्छ वा अझ बढी भए १ लाखसम्म नै होला । तर विश्वमा यस्ता पनि ट्रक चालक छन् जसको तलब वार्षीक १ करोडभन्दा बढी हुने गर्दछ ।

बेलायतको सुपरमार्केटको ट्रक चलाउने चालकहरुले पाउने तबल सुन्दा जो कोहीलाई पत्याउन ग्राहो हुन्छ । उनीहरुले मासिक पाउने तलब नै यति धेरै हुन्छ कि जो नेपालका ट्रक चालकले वार्षीक रुपमा पनि पाउदैनन् ।

यतिमात्र कहाँ हो र सुपरमार्केटका ट्रक चलाउने ती चालकले पाउने तलब त नेपालका ठूला कम्पनीका प्रमुखले समेत पाउन सक्दैनन् ।

डेलीमेलका अनुसार बेलायतको प्रमुख सुपरमार्केटले सामान डेलिभरी गर्ने ट्रक चालकलाई वार्षीक तलब मात्र ७० हजार पाउण्ड दिन्छ । अझ काममा आबद्ध भए बापत सुरुमै ज्वाइनिङ बोनस भन्दै थप २ हजार पाउण्ड अफर गरिएको हुन्छ । यस्तोमा ती चालकले वार्षीक ७२ हजार पाउण्डसम्म पाउँछन् । अर्थात् मासिक करीब ६ हजार पाउण्ड । जो नेपाली रुपैयाँ अनुसार वार्षीक करिब १ करोड १६ लाखभन्दा बढी हुन्छ भने मासिक करीब १० लाख हुन आउँछ ।

राष्ट्रिय स्तरमा आवश्यकताभन्दा १ लाख चालकहरु कम भएपछि ति सुपरमार्केटले यस्तो आर्कषक पारिश्रमिक दिने गरेका हुन् । यो पेशामा अनुभवीलाई सुपरमार्केटको स्टक कायम राख्नका लागि उनीहरुको सेवाको बदलामा ठूलो मात्रामा पारिश्रमिक वृद्धिको अफर दिइन्छ ।

स्रोत : डेल्ली मेल