मोटरबाइकको भाइब्रेसनले आईफोनको क्यामेरा बिगार्न सक्ने भन्दै आयो यस्तो चेतावनी

रामेछाप खबर संवाददाता

काठमाडौं, २७ भाद्र ।

एप्पलले मोटरसाईकलको कम्पनले आईफोनको क्यामेरा बिगार्न सक्ने चेतावनी दिएको छ । म्याक रूमर्सले एप्पल सपोर्ट पोस्टमा उच्च स्तरको कम्पनले आईफोनको क्यामेरा बिगार्न सक्ने बताएको छ ।

यसमा विशेषगरी उच्च शक्ति भएको मोटरसाईकल इन्जिनको कम्पन पर्ने गर्दछ । म्याक रूमर्सका अनुसार फोन स्थायी रुपमा बिग्रिने छ ।

बाइकमा फोन राखेर चलाईरहेको धेरै जनाले आफ्नो फोनको क्यामेरा किन बिग्रयो भनेर गूगलमा सर्च गर्ने गरेको पाइएपछि यो कुरा पत्ता लागेको छ । धेरै जसोले दिशा पत्ता लगाउनका लागि आईफोनलाई बाईकमै राखेर चलाउने गरेको देखिएको छ ।

क्यामेराको क्लोजड लुप अटोफोकस लामो समयसम्म उच्च स्तरको कम्पनमा राखिदा बिग्रिने भएकाले फोनको क्यामेरा बिग्रेको एप्पलले बताएको छ । आईफोन ७ देखि सबैमा यो फिचर हुने गर्दछ ।

रेमिट्यान्स वालेट र सिटी एक्सप्रेसबीच सहकार्य, ट्रान्सफरका लागि प्लेटफर्म सार्वजनिक

नेपाल पेमेन्ट सोलुसन प्रालिले सिटी एक्सप्रेस मनी ट्रान्सफरसँग सहकार्य गरेको छ । सम्झौतापछि कम्पनीले रेमिट्यान्स वालेट ट्रान्सफरका लागि प्लेटफर्म सार्वजनिक गरेको हो । नेपाल पेमेन्ट सोलुसन प्रालिका चिफ एक्सपेरियन्स अधिक्रीत प्रताप श्रेष्ठ र सिटी एक्सप्रेसका चिफ बिजनेश अफिसर श्याम लामिछानेले आ–आफ्नो संस्थाको तर्फबाट सम्झौतामा हस्ताक्षर गरेका हुन् ।

कम्पनीले यो प्रयास बाट सेवाग्राहिले रेमिट्यान्सको क्षेत्रमा आफू अनुकुल जहाँकहीँबाट कुनै पनि समय जुनै पनि वालेटमा विद्युतिय रेमिट्यान्स कारोबार गर्नका लागि सहयोग पुर्याउने विश्वास लिएको छ।

कम्पनीको अनुसार यो प्रणालीले सेवाग्राहिलाई डिजिटल रेमिट्यान्सको प्रविधि प्रदान गर्ने र भौतिक रेमिट्यान्स भन्दा धेरै सहज, छिटो र सुरक्षित पनि हुने गर्दछ । यो एक कस्टोमाइज गरिएको वित्तिय समाधान हो ।

यसले भौतिक तथा पुरानो रेमिट्यान्स प्रणालीलाई समेत आधुनिक प्रणालीमा जोडिदिने गर्दछ । यो प्रक्रियाले गर्दा धेरै छिट्टो रकम पठाउन सकिन्छ । यो विद्युतिय रेमिट्यान्स कारोबारले पैसा पठाउने र पाउने कार्य एकैसाथ हुने गर्दछ र डिजिटल वालेटको विभिन्न फाइदाहरु पनि उपयोग गर्न पाइनेछ । यो प्रणाली सबैका लागि सहज, छिटो र सुरक्षित र सरल किसिमको पैसा पठाउने र पाउने माध्यम भएको कम्पनीले जनाएको छ ।

रेमिट्यान्स वालेट ट्रान्सफरको बढ्दो प्रयोगसँगै रेमिट्यान्स कम्पनी तथा बैंक तथा वित्तिय संस्थाहरु आफ्नो प्लेटफर्म तथा ग्राहकहरुलाई सशक्त बनाउन लागी परेका छन् ।