काठमाडौंमा उपत्यकामा बाढीको बिधम्स : ३८२ घर डुबानमा, एक सय ३८ को उद्दार

रामेछाप खबर संवाददाता

काठमाडौं, २१ भदौं ।

काठमाडौं उपत्यकामा आएको बाढीले तीन सय ८२ घर डुबानमा परेका छन् । त्यस्तै, हालसम्म एक सय ३८ जनाको उद्धार गरिएको प्रहरीले जनाएको छ । गएरातिदेखि परेको भारी वर्षाका कारण बागमती र विष्णुमती खोला बिनार क्षेत्र डुबानमा परेका छन् ।

काठमाडौंकाे बल्खु तरकारी बजार, कुलेश्वरको हाउजिङ क्षेत्र, कोटेश्वरको नरेफाँट क्षेत्र, बालाजुको नेपालटारको तल्लो क्षेत्र, शंखमुल पार्क, कालिमाटीको तरकारी बजार, डल्लु लगाएका क्षेत्र डुबानमा परेका छन् । प्रहरीका अनुसार मानवीय क्षति भने भएको छैन ।

माधव नेपालले मन्त्री बनाउँने फाइनल गरेको लिष्टमा जब यस्तो नाम पनि भेटियो

भर्खरै मात्रै नेकपा एमाले विभाजन गराएर नेकपा एकिकृत समाजवादी पार्टीको अध्यक्ष बनेका माधव कुमार विधी र पद्धतीको कुरा गरेर थाक्दैनन् तर उनले सके के सम्म गर्ने रहेछन् भन्ने नाङ्गो रुप बाहिर आएको छ ।

पद र कुर्सी र स्वार्थकै लागी पार्टी फुटाएको भन्ने आरोप लागेका माधव नेपालले आफ्ना आफन्त पर्ने एक जना गैरसांसद वकिललाई मन्त्री बनाउँन प्रधानमन्त्री शेरबहादुर देउवालाई दवाव दिएका छन् । नेपालले वकिल गोविन्द बन्दीलाई मन्त्री बनाउँने प्रस्ताव गरेका छन् ।

संविधानले सांसद नभएको मान्छे ६ महिना भन्दा बढि समय मन्त्री बन्न नपाउँने भनेको छ । संविधानविदहरुका अनुसार कुनै विशेष परिस्थति त्यसमा पनि ६ महिनामा कोही मान्छे सांसद बन्न सक्ने आधार देखीएमा मात्र मन्त्री बन्न सक्ने भनिएको हो तर यहाँ त हाकाहाकी वकिललनै संविधान मिचेर मन्त्री बन्न खोजेका छन् ।

हिजो केपी ओलीले जे जे गरे भनेर माधव नेपालले एमालेमा भाँडभैलो गरेका थिए आज पार्टी फुटाएर एकल अध्यक्ष बनेपछि उनले त्यो भन्दा चर्को गर्ने बनेर निस्कीएका छन् । एक व्यक्ती एक पदको कुरा गरेर घोक्रो सुकाउँने तिनै माधव नेपाल अहिले पार्टी अध्यक्ष , संसदीय दलको नेता सबै बनेर बसेका छन् ।

नेकपा एसको कोटाबाट अधिवक्ता गोविन्द बन्दी मन्त्री बन्ने तय भएको छ । शान्ति प्रक्रियाका बाँकी काम टुंग्याउनका लागि सत्तारुढ गठबन्धनले यो प्रक्रियामा लामो समय काम गरेका बन्दीलाई नाटकीय फेरबदल भएन भने मन्त्री बनाउन लागेको स्रोतले जनाएको हो ।

बन्दीलाई यसअघि केपी ओली सरकारका पालामा सत्य निरुपण आयोगको अध्यक्ष बनाउन खोजिएको थियो । तर तत्कालीन नेकपाका अध्यक्ष प्रचण्डले नमानेका कारण गणेशदत्त भट्टको नाममा सहमति जुटेको थियो ।

अ‍ोलीले त्यसबेला नेकपाका अध्यक्ष प्रचण्ड र विपक्षी दलका नेता शेरवहादुर देउवालाई सँगै राखेर युद्धकालीन मुद्दाहरु तपाईहरुसँग जोडिएका छन्, तपाईहरुले जो भन्नुहुन्छ उसैलाई अध्यक्ष बनाउँछु भनेका थिए ।

बन्दीले माओवादी नेताहरुलाई अप्ठेरो पर्ने खालका द्धन्द्धकालीन मुद्दाहरु अदालतमा लगेका कारण प्रचण्डले उनीसँग कम्फरटेबल महशुस गरेका थिएनन् । तर पछिल्लो समय दुवै संसद विघटनका मुद्दामा बन्दीले ओलीविरुद्ध अदालतभित्र र बाहिर माहौल सिर्जना गरेकाले प्रचण्ड पनि उनीसँग प्रभावित भएका छन् ।

माधव नेपालसँग पारिवारिक नातासमेत रहेका बन्दीलाई ६ महिना मन्त्री बनाएर शान्ति प्रक्रियालाई टुंग्याउन सत्ता गठबन्धनका नेताहरु सहमत भएको बताइन्छ । माधव नेपालका सम्धी सोमप्रसाद पाण्डे र गोविन्द बन्दी साँढु दाइ साँढु भाइ हुन् । बन्दीलाई सरकारमा सहभागी गराइयो भने उनी कानूनमन्त्री बन्नेछन् ।

नेकपा एमाले विभाजन हुनुभन्दा अगाडि नै माधवकुमार नेपालले सत्तारुढ गठबन्धनका नेताहरुलाई एकजना कानूनी पृष्ठभूमिका गैरसांसदलाई मन्त्री बनाउन आग्रह गरेका थिए ।

कांग्रेस पदाधिकारीको अनौपचारिक छलफलमा प्रधानमन्त्री शेरवहादुर देउवाले ‘माधवजीले संसद बाहिर रहेका एकजना कानूनवीदलाई मन्त्री बनाउनुपर्यो भन्नुभएको छ’ भनेर सुनाएका थिए ।