मृ’त्युको मुखमा पुगेकी आमालाई छोराले सुनाए गीत, अनि गयो सास

रामेछाप खबर संवाददाता

एजेन्सी , ३१ बैसाख ।

भारतको पश्चिम बंगालको राजधानी कोलकाताका एक चिकित्सकको मार्मिक थ्रेडपोस्ट ट्विटरमा भाइरल भएको छ । पोस्टमा एक महिला कोरोनाको उपचारका लागि अस्पतालको शय्यामा बसेको र चिकित्सकहरूले हार मानेको कुरा छ । छोरोले आमा बाँच्दिनन् भनेर गीत गाएको कुरा पनि छ ।

अपोलो ग्लेनीगल्समा क्रिटिकल केयरकी चिकित्सक डा दीपशिखा घोषले अस्पतालमा भर्ना भएका रोगीलाई परिवारसँग सम्पर्क गराउन भिडियो कल गराउने गरेको बताइन् । एक्लै कोरोनाविरुद्धको लडाइँ लडिरहेका रोगीलाई भिडियो कलमा आफन्तसँग कुरा गर्न पाउँदा हौसला प्राप्त हुने गरेको छ ।

बुधवार उनले त्यस्तै एक भिडियो कल गराइन् ।

डा दीपशिखाका अनुसार, ४७ वर्षीया महिलाले २५ वर्षीय छोरोसँग भिडियो कल गरिन् । छोराले आमाको हालखबर सोधे । त्यसपछि छोराले किशोर कुमारको गीत तेरा मुझ से है पहले का नाता कोही भन्ने गीत गाए । गीत गाउँदा गाउँदै उनको गला अवरुद्ध भयो । रोकिएर उनले गीत जारी राखे ।

ट्विटरमा पोस्ट गरिएको थ्रेडमा उक्त मार्मिक क्षणको विवरण छ । डा घोषले भिडियो कलमा छोरोले गीत गाउँदा आमाछोरा दुवैलाई पालैपिलो हेरिन् । कल सकिएपछि महिलाले चिकित्सकलाई अँगालो हालिन् । पछि संघमित्रा चटर्जी नामक ती महिलाको मृत्यु भयो । उनका छोरा सोहम चटर्जीले आमाका लागि गीत गाएको क्षणले अस्पतालमा सबैलाई भावुक बनायो ।

तपाईको समाचार, लेख /रचना वा सुझाव र प्रतिक्रिया भएमा hamrosandesh@yahoo.com मा पठाउनुहोला ।