जब वडा अध्यक्ष नै मध्यरातमा महिलासँग आपत्तिजनक अवस्थामा समातिए …

रामेछाप खबर संवाददाता

बैतडी ।

बैतडीको दोगडाकेदार गाउँपालिका वडा नम्बर ७ का वडा अध्यक्ष भरत महरा स्थानीय एक महिलासंग शंकास्पद रुपमा भेट्टिएका छन् । शंकास्पद रुपमा भेट्टिएका महरा र ती महिलालाई नियन्त्रणमा लिइएको बैतडीका प्रहरी प्रमुख प्रहरी नायव उपरीक्षक नारायणप्रसाद अधिकारीले जानकारी दिनुभयो ।

उनीहरु दुबैजना बिहिबार राति ३ बजे स्थानीय खोचलेक बजारको एक होटेलको कोठाबाट नियन्त्रणमा लिइएका हुन् । उनीहरु दुबैजना संगै कोठामा रहेको भन्ने सुराकी वडाअध्यक्ष महराकी श्रीमती बिमलाले पाएपछि उनले नै प्रहरीलाई खबर गरेका थिए । शंकास्पद रुपमा भेट्टिएका दुबैजनालाई जिल्ला ल्याइन लागिएको प्रहरी नायव उपरीक्षक अधिकारीले बताए ।

‘दुबैजनालाई एउटै कोठाबाट नियन्त्रणमा लिएका हौं, जिल्ला ल्याइदैछ’ उनले भने, ‘जिल्ला ल्याइदैंछ थप बुझ्छौं, अहिलेनै सबै कुरा भन्न सकिने अवस्था छैन्, पार्टीको काम भएकोले संगै कोठामा बसेको भन्नेछ।’ वडाअध्यक्ष महरा नेकपा एमालेबाट स्थानीय तहको निर्वाचनबाट वडाअध्यक्ष भएका थिए ।

प्रियंकाको खुलासा – ४० पटक गर्दा पनि कोरियोग्राफरलाई सन्तुष्टि मिलेन !

बलिउडमा मात्रै नभएर प्रियंका चोपडा विश्वभर चर्चामा रहेकी छिन् । उनको एक पुरानो अन्तर्वार्ता सामाजिक सञ्जालमा भाइरल भइरहेको छ । अभिनेत्री चोपडाले आफ्नो करियरको शुरुका दिनहरूको बारेमा कुरा गरेकी छिन् ।

प्रियांकले सन् २००३ को ‘अन्दाज’ बाट मुख्य अभिनेत्रीको रूपमा बलिउडमा प्रवेश गरेकी थिइन् । त्यो फिल्मको गीतको शुटिङ्ग को क्रममा जब प्रियांकले ४० रिटेक पछि पनि उचित शट दिन सकिनन् तब कोरियोग्राफरले उनलाई हप्काएका थिए । कोरियोग्राफरबारे प्रियंकाले भनिन्, ‘त्यो मेरो पहिलो गीतहरू मध्ये एक थियो । त्यो समयमा मैले धेरै कुरा प्राप्त गर्न बाँकी थियो ।

मलाई याद छ कि जब शट ४० टेक पछि पनि बाहिर आउन सकेन, कोरियोग्राफर राजु खान (सरोज खानका छोरा) ले माईक फ्याँक्यो र भन्यो–तपाईं मिस वर्ल्ड हुनुहुन्छ, किनकी तपाईंलाई लाग्छ कि अभिनेत्री बन्न सक्नुहुन्छ ? जान्नुहोस् कसरी नाच्ने, सिक्नुहोस् ।

प्रियंकाले त्यस समयमा अक्षय कुमारकी श्रीमती ट्विंकललाई लेभर पेन (गर्भवास्थामा हुने खतराका चिन्हहरु) सुरु भएका थिए । त्यसपछि केही समयको लागि शुटिङ्ग रोकियो । उनले त्यस समयमा कथक सिक्न प्रयोग गरिन् । उनी भन्छिन्, ‘यदि तपाईलाई केहि थाहा छैन भने, यदि तपाईसँग केहि प्राप्त गर्ने महत्वाकांक्षा छ, यदि तपाईले तयारी गर्नुभयो भने तपाई अरूले भन्दा अझ राम्रो गर्न सक्नुहुन्छ ।’

प्रियंकाका अनुसार उनलाई कथक पण्डित वीरू कृष्णनले सिकाएकी थिइन । यसका लागि उनी ६–६ घण्टा अभ्यास गर्थिन् । अभिनेत्रीका अनुसार, यहींबाट उनले अभ्यासको महत्त्व बुझिन् । किनभने जब उनी कथक सिकेपछि सेटमा फर्किन्, उनी धेरै राम्रो नर्तक भएकी थिईन् ।