यो वर्ष हुनेछ बढी गर्मी, कारण यस्तो

रामेछाप खबर संवाददाता


तीन दिनअघिबाट वसन्त ऋतु शुरू भएको वैज्ञानिकहरूले बताएका छन् । मार्च २० मा भर्नल इक्विनक्स रेकर्ड भएको छ । त्यो भनेको दिन र रातको समय लगभग बराबर हुनु हो । पृथ्वीको दुवै भागमा सूर्यको प्रकाश लगभग बराबर हुनुलाई भर्नल इक्विनक्स भनिन्छ ।

यो अफ्रिकी मुलुक केन्यामा रहेको मेरू शहरमा नापिन्छ । त्यहाँ सूर्यको प्रकाश इक्विनक्सको दिन भूमध्यरेखाको ठीक बीचमा पर्छ । तर यसपालि सूर्यले पृथ्वीको उत्तरी गोलार्धमा बढी प्रकाश दिने अमेरिकी वैज्ञानिकहरूले दाबी गरेका छन् । उत्तरी गोलार्धमा नेपाल पनि पर्छ । धेरै प्रकाश आउँदा गर्मी पनि बढी हुन्छ ।

अब जुन २० मा सूर्य उत्तरतर्फ जानेछ र उसको प्रकाश उत्तरी गोलार्धमा लगातार बढ्नेछ । तर यसपालि यसको प्रकाश उत्तरी गोलार्धमा बढी हुनेछ किनकि सूर्य यसपालि ३३ डिग्री पूर्वतर्फ उदाउनेछ । बेलुका यस डिग्रीमा लगभग १५ घन्टापछि अस्त हुनेछ । सामान्यतया यो २३ डिग्रीमा हुन्छ । १० डिग्रीको अन्तर आउँदा उत्तरी गोलार्धमा गर्मी बढ्नेछ ।

तनाव कम गर्न अपनाउनुस् यी ६ उपाय

काठमाडौं -शारीरिक श्रमको कमी, तनाव, बदलिएको व्यस्त जिन्दगीका कारण मानिसहरुमा टाउको दुखाइको समस्या पछिल्ला दिनहरुमा बढिरहेको चिकित्सकहरुले बताएका छन् । जसले गर्दा तपाईंको काम प्रभावित हुन सक्छ भने समयमै वास्ता गरिएन भने भने यसले ठूलो समस्या ल्याउन सक्छ । टाउको दुखाइका लागि तपाईले घरेलु उपचार पनि गर्न सक्नुहुन्छ जसबाट तपाईंले छुटकारा पाउन सक्नुहुन्छ ।

पुदिना
माइग्रेनको उपचारमा पुदिना निकै महत्वपूर्ण मानिन्छ । पुरानो समयमा पनि टाउको दुखाईको उपचारको लागि पुदिना दिने गरिन्थ्यो । यदि तपाईंलाई लगातार टाउको दुखिरहन्छ भने तपाईंले पुदिनलाई चियामा मिसाएर पिउन सक्नुहुन्छ । यसले तपाईंलाई तुरुन्त राहत प्रदान गर्छ ।

ल्वाङ र नुनको प्रयोग
टाउको दुखाईका लागि ल्वाङ र नुनको पेष्ट एक प्रभावकारी उपचार पद्धती मानिन्छ । ल्वाङको पाउडर र नुनलाई दुधमा मिसाएर पिउनुहोस् । नुनमा हाइग्रस्कापिक गुण पाइन्छ जसले टाउको दुखाईबाट आराम मिल्दछ ।

दालचिनी पाउडर
टाउको दुखाईबाट आराम पाउनका लागि दालचिनी पाउडर पेष्ट एउटा राम्रो तरिका हो । उपयोगका लागि दालचिनी पिसेर पाउडर बनाउनुहोस् र यसलाई पानी हालेर बाक्लो पेष्ट बनाउनुहोस् । अब यो पेष्टलाई टाउकोमा लगाउनुहोस् । यसले तपाईंको दुखेर भारी भएको टाउको छिट्टै हल्का हुन्छ ।

कागती र तातो पानी
लगातार टाउको दुखिरहन्छ भने एक ग्लास तातो पानीमा कागतीको रस मिसाएर पिउनुहोस् । किनभने धेरैपटक पेटमा ग्याँस बनेका कारण पनि टाउको दुख्ने गर्दछ र कागती पानीले ग्याँसको समस्या हल गर्नुका साथै टाउकोको दुखाई पनि कम गर्दछ ।

लसुनको रस
लसुनको रस पिउँदा लगातार दुख्ने तपाईंको टाउकोले राहत महसुस गर्दछ । यसलाई तयार गर्नका लागि लसुनका केही टुक्रा लिनुहोस् र यसलाई निचोरेर रस निकाल्नुहोस् र कम्तीमा पनि एक चम्चा रस पिउनुहोस् । वास्तवमा लसुन एक पेनकिलर पनि हो, यसले टाउको दुख्न कम गराउँछ ।

जीरा र अदुवाको रस
धनियाँको पात, जीरा र अदुवा राखेर बनाएको चिया पिउनाले पनि लगातार दुखिरहने तपाईंको टाउको कम हुने गर्दछ । यसलाई बनाउनका लागि थोरै तातो पानी लिनुहोस् र यसमा धनियाँ, जिरा र अदुवा यी तीनथरी हालेर पाँच मिनेटसम्म उमाल्नुहोस् । राम्रो परिणामका लागि यसलाई कम्तीमा पनि दिनको दुई पटक पिउनुहोस् ।