जापानमा ७ रेक्टरस्केलको भूकम्प, नागरिकलाई सतर्कता अपनाउन अनुरोध

रामेछाप खबर संवाददाता

काठमाडौं, ८ चैत्र ।

काठमाडौं। जापानको राजधानी टोकियोमा ७.० रेक्टरस्केलको भूकम्पको धक्का महसुस गरिएको छ। शनिबारको भूकम्पको झट्कासँगै सुनामी पनि आउन सक्ने आशंका गरिएको छ। सरकारले नागरिकलाई सतर्कता अपनाउन अनुरोध गरेको छ। भूकम्पको गहिराइ ५४ किलोमिटर थियो।

बंगलादेशमा मोदी भ्रमणको विरोध

ढाका । भारतीय प्रधानमन्त्री नरेन्द्र मोदीले बंगलादेश भ्रमण गर्ने भएपछि यहाँका नागरिकले विरोध जनाएका छन् । राजधानी ढाकामा केही मुस्लिम तथा विद्यार्थीले विरोध र्‍यालीको आयोजना गरेका बीबीसी हिन्दीले जनाएको छ ।

प्रार्थनापछि बैतुल मोकारम मस्जिदबाहिर करिब ५०० मुस्लिमले मार्चपास गरेका थिए भने ढाका विश्वविद्यालयबाहिर करिब २०० विद्यर्थीले प्रदर्शन गरेका थिए । भारत र मोदीविरोधी नारा लगाएका उनीहरु कुनै पनि संगठनमा आबद्ध नरहेको जनाइएको छ ।

विरोध प्रदर्शनपछि बंगलादेशका विदेशमन्त्री एके अब्दुल मोमेनले नागरिकलाई अभिव्यक्ति स्वतन्त्रता भएको भन्दै प्रदर्शनका विषयमा चिन्तित हुनुपर्ने अवस्था नरहेको बताएका छन् ।

नौ महिनाको हिंसात्मक विद्रोहपछि इस्वी संवत् १९७१ मार्च २६ मा बंगलादेश पाकिस्तानबाट स्वतन्त्र भएको थियो । स्वतन्त्रता दिवसका अवसरमा बंगलादेशी प्रधानमन्त्री शेख हसिनाको निमन्त्रणामा मोदीको भ्रमण तय भए पनि त्यसको विरोध भएको हो ।