रेड कार्पेटमा नेपाली सेलिब्रेटीः कसैलाई आफ्नै लुगा भारी, कसैलाई छोटो भएर सम्हाल्नै गाह्रो

रामेछाप खबर संवाददाता

काठमाडौं, १ चैत्र ।

शनिबार सोल्टी क्राउन प्लाजामा नेपाली सिने क्षेत्रका लागि पर्व थियो। नेपाल चलचित्र प्राविधिक संघको आयोजनामा १० औं नेफ्टा अवार्ड आयोजना गरेको थियो । २०७५ सालमा प्रदर्शनमा आएका चलचित्रलाई अवार्ड दिन आयोजित समारोहमा नेपालका केही चर्चित कलाकारहरू उपस्थित थिए।

विभिन्न ३६ विधामा अवार्ड दिइएको थियो। तर, अवार्ड पाउने धेरैजसो अनुपस्थिति थिए। अवार्ड समारोहमा सेलिब्रेटीहरूका रेड कार्पेट समेत विछ्याइएको थियो। जहाँ उनीहरू तस्बिर खिचाउनमा व्यस्त थिए।

कार्यक्रममा नेपाली सिने क्षेत्रका चर्चित अभिनेता भुवन केसी, अभिनेता तथा क्याप्टेन विजय लामा, सुनिल थापा, विपिन कार्की, पल शाह, धिरज राई, पुष्प खड्का, अभिनेत्रीहरू करिष्मा मानन्धर, गौरी मल्ल, निरुता सिंह, विपना थापा, रेजिता उप्रेती, नम्रता श्रेष्ठ, साम्राज्ञी शाह, रेनशा वान्तावा राई लगायतका सेलिब्रेटीको उपस्थिति थियो।

समारोहमा पुगेकी नायिका साम्राज्ञी भने ड्रेसअपमा निकै खुलेकी थिइन्। उनी आफ्नो ड्रेसअपलाई सम्हाल्नै सकिरहेकी थिइनन्। उनको क्लेभेज निकै खुलेको थियो। जयले गर्दा उनलाई आफ्नै ड्रेस सम्हाल्न गाह्रो परेको थियो।

त्यस्तै अभिनेत्री तथा हालै महानायिकाको उपाधि पाएकी करिष्मा मानन्धर पनि रेड ड्रेसमा छोरी कवितासहित पुगेकी थिइन्। ह्वाइड ड्रेसअपमा पुगेका अभिनेता भुवन केसीको ड्रेसअपको पनि चर्चा चलेको थियो। त्यस्तै चर्चित द्वन्द्व निर्देशक राजेन्द्र खड्गीको जुत्ताको चर्चा चलेको थियो। सञ्चारकर्मीहरूले उनले लगाएको बुटबारे प्रश्न गरेका थिए। जवाफमा उनले ५० हजारको जुत्ता भएको प्रतिक्रिया दिए।