देशको परिस्थितिले दिक्क नीता, बोलिन् राजतन्त्रको पक्षमा, के भनिन् त ?

रामेछाप खबर संवाददाता

काठमाडौं, २५ माघ ।

नायिका नीता ढुंगाना यतिबेला ‘माही’ नामक भोजपुरी फिल्म शूटिङका क्रममा भारतमा छिन् । उनले अभिनय गरेको भोजपुरी फिल्म हालै युट्युबमा रिलिज गरिएको थियो । उक्त फिल्मले दर्शकबाट औसत प्रतिक्रिया पाएको थियो ।

नीता सार्वजनिक रुपमा भने खासै सहभागी हुँदिनन् । न त उनले त्यति राजनीतिबारे चासो नै व्यक्त गरेको पाइन्छ । यतिबेला भने नीताले नेपालको राजनीतिक अवस्थाले दिक्क भएको बताएकी छिन् । सामाजिक सञ्जाल फेसबूकमार्फत आफू नेपालको राजनीतिले दिक्क भएको बताएकी छिन् ।

‘कहिले होला हामी नेपाली आनन्दले काम गरेर बस्न पाउने अवस्था आउने, नेताहरुले जनतालाई दुःख नदिने भन्छन्, फेरि नेपाल बन्द गरेर जनतालाई नै दुःख दिन्छन्,’ उनले भनिन् ।

नेपालका नेताहरुका कारणले नै यो देशको विकास हुन नसकेको उनको गुनासो थियो ।

‘नेपालमा सजिलोसँग काम गरेर खान पनि पाइँदैन, नेपाल बन्दका नाममा सडकमा तरकारी फ्याँकियो,’ उनले भनिन् ।

आफूले राजतन्त्र, लोकतन्त्र, गणतन्त्र भोगिसकेको तर अब देशमा अब नयाँ सिस्टमको खाँचो भएको उनले धारणा राखिन् । उनले वर्तमान सरकारका प्रधानमन्त्री केपी शर्मा ओलीका निर्णय केही हदसम्म राम्रा भए पनि उनले देशलाई मजाकका रुपमा लिएको बताइन् ।

‘चाहे त्यो राजतन्त्र आएर होस् या नआएर होस्, देशलाई राम्रो हुनुपर्‍यो, राजालाई पनि केही स्थान त दिनुपर्छ जस्तो लाग्छ मलाई,’ उनले भनिन् ।

राजतन्त्रले देशको हितका लागि केही हुनसक्ने र नेपालमा राजतन्त्र आवश्यक भएको समेत बताइन् । ‘देशको विकासमा सबै राम्रो भइदिए कस्तो राम्रो हुन्थ्यो होला नि है,’ नीताले भनिन् ।