पापी रहेछन्, झन्डै ट्याक्सीसँगै मलाई पनि जलाइदिएनन् !

रामेछाप खबर संवाददाता

काठमाडौं, २४ माघ ।

नेकपाको दाहाल–नेपाल समूहले बिहीबार गरेको नेपालबन्दको क्रममा काठमाडौं गोंगबुमा आन्दोलनकारीले ट्याक्सी जलाइदिएपछि चालक कुम्भनारायण श्रेष्ठ इन्तु न चिन्तु भए । प्रदेश ३–०१ ००२ ज ५८८१ नम्बरको ट्याक्सी चलाएर आउने पैसाले दैनिकी चलाउँदै आएका श्रेष्ठका लागि बिहीबारको बिहान अन्धकार जस्तै बनिदियो ।

आन्दोलनकारीले पेट्रोल छर्केर ट्याक्सी जलाइदिएपछि उनका लागि बिहानको समय पनि अन्धकार रातजस्तै बन्यो । ‘गरिखाने साधन नै जलाइदिए, निकै पापी रहेछन्, झन्डै ट्याक्सीसँगै मलाई पनि जलाइदिएनन्,’ श्रेष्ठले भने, ‘ट्याक्सी जलाइएको क्षण मैले केही देखिनँ, अन्धकार नै भयो ।’ उनले सर्वसाधारण नागरिकलाई पीडा दिएर गरिने यस्तो आन्दोलनको कुनै अर्थ नभएको बताए । ‘जनतालाई पीडा दिने, दुःख दिने अनि जनताकै लागि आन्दोलन ग¥यौं भन्न लाज पनि लाग्नुपर्ने हो,’ श्रेष्ठले आफ्नो पीडा पोख्दै भने ।

श्रेष्ठका अनुसार जलाइएको गाडी उनको साहुको हो । बिहीबार साहुलाई थाहा नदिई गाडी निकालेको र एक दुई ट्रिप गरेपछि मात्रै आन्दोलनकारीले उनको गाडी जलाइदिएका थिए । राजधानी दैनिक

‘सत्ताको शक्ति प्रदर्शन’मा ओलीले पहिलेजसरी गरेनन् गाली

अहिले मुलुकको राजनीति र काठमाडौंको मौसम उस्तैउस्तै छ । मौसम त पानी परेपछि एक दुई दिनमा उघ्रेला, राजनीतिको बादल हट्छ या झन् धुम्मिन्छ, त्यसको निर्क्यौल हुन भने अझै केही समय लाग्नेछ । दिनभर पानी पर्ला–पर्ला झैं भएपनि शुक्रबार दरबारमार्गमा चिसो भूईँमा थचक्कै बसेका नेकपा ओली समूहका कार्यकर्ताले प्रधानमन्त्री केपी ओलीले विकास र समृद्धिको भाषण बर्साइ दिएपछि जुरुक्कजुरुक उठेर उनका पक्षमा नारा लगाए ।

भाषणमा समृद्धि र समाजवादको कुरा गरिएपनि तीन किसिमका वर्ग छुट्टिने गरी कार्यक्रमस्थल मिलाइएको थियो ।
सत्ताको शक्ति प्रदर्शन शीर्षकमा कान्तिपुर दैनिकले लेखेको छ–पहिले जसरी ओलीले कसैलाई गाली गरेनन् । तुलनात्मक रुपमा भाषण सन्तुलित थियो, चुनावमा केन्द्रीत होऔं भन्ने आह्वान थियो ।