यी हुन् आईपीएल अक्शनमा परेका नेपाली खेलाडी

रामेछाप खबर संवाददाता

काठमाडौं, २३ माघ ।

ईन्डियन प्रिमियर लिग क्रिकेट (आईपीएल)को अक्शनमा ८ जना नेपाली खेलाडी परेका छन् ।

भारतीय क्रिकेट बोर्ड (बीसीसीआई)ले शुक्रबार जारी गरेको सूचीअनुसार नेपालबाट ८ खेलाडी अक्सनमा परेका हुन् । नेपाल क्रिकेट संघले अक्शनमा परेका आठ खेलाडीको नाम सार्वजनिक गरेको छ । क्यानले अक्शनमा सन्दीप लामिछाने, विनोद भण्डारी, करण केसी, सोमपाल कामी, कुशल मल्ल, शरद भेषावकर, अविनाश बोहरा र दीपेन्द्र सिंह ऐरीकोे नाम पठाएको जनाएको छ ।

यस वर्षको आईपीएलका लागि कुल १ हजार ९७ जना खेलाडी अक्सनका लागि दर्ता भएका छन् । बीसीसीआईका अनुसार २७ जना खेलाडी एसोसियट राष्ट्रबाट अक्सनमा दर्ता भएका छन् । आईपीएलको नयाँ सिजनका लागि भारतका ८ सय १४ र बाहिरका २ सय ८३ खेलाडी अक्सनमा परेका छन् ।

स्टार्कले आइपिएल नखेल्ने

एजेन्सी – अष्ट्रेलिया तीव्र गतिका बलर मिचेल स्टार्कले इन्डियन प्रिमियर लिग (आइपिएल) २०२१ पनि नखेल्ने भएका छन् । १८ फेब्रुअरीमा चेन्नईमा हुने अक्सनमा कुल १ हजार ९७ खेलाडी छन् ।

जसमा भारतीय ८ सय १४ भारतीय र २ सय ८३ विदेशी खेलाडी छन् । तर स्टार्कले भने आफ्नो नाम दिएका छैनन् । अष्ट्रेलियाबाट कुल ४२ खेलाडीको नाम अक्सनमा दर्ता गराउँदा स्टार्कले भने दिएका छैनन् । स्टार्क यस आइपिएलमा सर्वाधिक महँगो मूल्यमा विक्न सक्ने खेलाडी मध्यका खेलाडी हुन् । उनलाई अक्सनमा रोयल च्यालेन्जर्स बेंगलोर र किंग्स इलाभेन पन्जाबबीच अक्सनमा पैसाको वर्षा हुन सक्ने अनुमान गरिएको थियो ।

स्टार्कले अन्तिम पटक सन् २०१५ मा बेंगलोरबाट आइपिएल खेलेका थिए । त्यसयता भने स्टार्क आइपिएल खेलेका छैनन् । सन् २०१८ मा कोलकाता नाइट राइडर्सले स्टार्कलाई ९ करोड ४० लाख भारतीय रुपैयाँमा अनुबन्ध गरेको थियो । तर स्टार्क चोटका कारण आफ्नो नाम फिर्ता लिएका छन् ।

पछिल्ला दुई संस्करणमा भने स्टार्कले आफ्नो नामनै अक्सनमा उपलब्ध गराएका छैनन् । योर्करका माहिर स्टार्कले अक्सनमा नाम दिएको करोडको वर्षा हुन सक्ने खेलाडी थिएन । अक्सनमा नेपालका ८ खेलाडी सहभागि हुने छन् ।

एसोसिएटबाट सर्वाधिक ९ खेलाडी यूएईका छन् । टेष्ट टोलीबाट वेस्टइन्डिजबाट सर्वाधिक ५६ खेलाडी छन् । नेदरल्यान्ड्सबाट एक, स्कटल्यान्डबाट ७, युएईबाट ९ र अमेरिकाबाट २ खेलाडी अक्सनमा छन् । अफगानिस्तानबाट ३०, अष्ट्रेलियाबाट ४२, बंगलादेश ५, इंग्ल्यान्ड २१, आयरल्यान्ड २, न्युजिल्यान्ड २९, दक्षिण अफ्रिका ३८, श्रीलंका ३१ र वेस्टइन्डिजबाट ५६ खेलाडी छन् ।नेदरल्यान्ड्सबाट एक, स्कटल्यान्डबाट ७, युएईबाट ९ र अमेरिकाबाट २ खेलाडी अक्सनमा छन् ।