सुनको भाउ बढ्यो, तोलाको कती ?

रामेछाप खबर संवाददाता

काठमाडौं, १९ माघ ।

सुनको मूल्य सोमबार तोलामा ५ सय रुपैयाँ बढेको छ । सुन सोमबार तोलामा ९२ हजार ६ सय रुपैयाँ तोकिएको नेपाल सुनचाँदी व्यवसायी महासङ्घले जनाएको छ । सुनको मूल्य आइतबार तोलामा ९२ हजार १ सय रुपैयाँ तोकिएको थियो ।

यस्तै, महासंघका अनुसार सोमबार तेजाबी सुनको मूल्य पनि तोलामा पाँच सय बढेको छ । आइतबार ९१ हजार ६०० मा कारोबार भएको तेजाबी सुन सोमबार ९२ हजार १०० मा कारोबार भइरहेको छ ।

यसैगरी चाँदीको मूल्य पनि बढेको छ । चाँदीको मूल्य सोमबार एकैदिन तोलामा ८० रुपैयाँ बढेर तोलाको १४ सय रुपैयाँ तोकिएको नेपाल सुनचाँदी व्यवसायी महासङ्घले जनाएको छ ।

माघ २३ गतेदेखि आउँदै छ झण्डै ३५ करोड बराबरको आईपीओ, कति कित्ताासम्म भर्न पाइने ?

आउँदो शुक्रवारदेखि झण्डै ३५ करोड बराबरको आईपीओ आउने भएको छ ।

ग्रीन लाइफ हाइड्रोपावर कम्पनीले (माघ २३ गते) शुक्रबारबाट प्रतिकित्ता १०० रुपैयाँ अंकित दरमा ३४ करोड ९६ लाख ४० हजार रूपैयाँ बराबरको ३४ लाख ९६ हजार ४ सय कित्ता आईपिओ निष्कासन तथा बिक्री खुल्ला गर्न लागेको हो ।

जसमध्ये १ लाख ७४ हजार ८२० कित्ता शेयर सामूहिक लगानी कोषका लागि, ६९ हजार ९ सय २८ कित्ता कर्मचारीहरुका लागि र बाँकी ३२ लाख ५१ हजार ६ सय ५२ कित्ता सर्वसाधारणहरुका लागि निष्कासन हुने बताइएको छ ।

लगानीकर्ताले न्युनतम १० कित्तादेखि अधिकतम एक लाख कित्तासम्मको लागि छिटोमा माघ २७ गतेसम्म र ढिलोमा फागुन ७ गतेसम्म आवेदन दिन सक्नेछन् । कम्पनीको उक्त साधारण शेयर सार्वजनिक गर्न निष्कासन तथा बिक्री प्रबन्धकको काम बिओके क्यापिटल मार्केट लिमिटेडले गर्नेछ ।

केयर रेटिङ्ग नेपालले कम्पनीलाई ‘केयर एनपी बी प्लस (आइएस)’ रेटिङ्ग प्रदान गरेको छ । यसले समयमा नै वित्तीय दायित्व पुरा गर्ने सम्बन्धमा उच्च जोखिममा रहेको संकेत गर्दछ ।