भारतीय टेलिभिजनलाई प्रधानमन्त्रीको दिए यस्तो जवाफ

रामेछाप खबर संवाददाता

काठमाडौँ , २७ पुस ।

Prime Minister K P OLI addresses the nation at prime minister Residence, baluwatar Kathmandu on Sunday, November 15, 2015
Photo; Keshab Thoker/Nagarik/republica


प्रधानमन्त्री केपी शर्मा ओलीले जनसंख्या र भूगोलमा नेपालभन्दा भारत ठूलो भएपनि सार्वभौकिता बराबरी हुने बताएका छन्।

सोमबार आफ्नै कार्यकक्षमा भारतीय टेलिभिजन जीन्युजलाई दिएको अन्तर्वार्तामा प्रधानमन्त्री ओलीले दुई सार्वभौम देशका प्रधानमन्त्रीको हैसियत सानो र ठूलो देशको नभइ समान हैसियत भएको स्पष्ट पारेका छन्।

पत्रकारले सोधेको एक प्रश्नको जवाफ दिँदै ओलीले व्यक्तिगत रुपमा भारतीय प्रधानमन्त्री आफूभन्दा केही वर्ष जेठो भएपनि प्रधानमन्त्रीको हैसियतमा बस्दा ठूलो देश र सानो देशको नभइ समान हैसियत हुने बताए।

ओलीले कालापानी, लिपुलेक र लिम्पियाधुरा नेपाली भूमी भएको पनि स्पष्ट सन्देश दिएका छन्। उनले वार्ताका माध्यमबाट समस्या समाधान गर्नुपर्ने बताए।
उनले नेपाल भारत र चीनलाई फरक ढंगले व्यवहार गर्ने नभइ पञ्चशीलको सिद्धान्तका आधारमा असंलग्न नीति अंगिकार गरिरहेको बताए।

प्रधानमन्त्री ओलीले भारत र चीन दुवै देशमा शान्ति कायम भएमा नै नेपाल पनि सुरक्षित हुने बताएका छन्। भारत र चीन दुवै देशले चाहेमा आफू मध्यस्थता गर्न तयार रहेको पनि उनले बताए।

मोदी ठूलो, म सानो प्रधानमन्त्री होइनः केपी ओली

प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदी र आफूबीचको हैसियत समान रहेको बताएका छन् । मोदीजस्तै आफू पनि सार्वभौम देशको प्रधानमन्त्री रहेकाले दुबै देशका प्रधानमन्त्रीको हैसियत समान रहेको ओलीले प्रस्ट पारे ।
भारतीय टेलिभिजन च्यानल जी न्यूजलाई अन्तर्वार्ता दिँदै ओलीले भने, ‘मोदी ठूलो प्रधानमन्त्री, म सानो प्रधानमन्त्री होइन । प्रधानमन्त्री प्रधानमन्त्रीबीचको बराबरीको सम्बन्ध हो ।’
उनले मोदी आफूभन्दा जेठो भए पनि सार्वभौमिकता ठुलो–सानो नहुने बताए ।

उनले दुई देशबीच केही विषयमा बहस भइरहेको जनाउँदै बहस हुनुलाई नराम्रो अर्थमा लिन नहुने बताए ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।