४ सय करोडको बजेटमा बन्ला प्रभासको ‘आदिपुरुष’ ?

रामेछाप खबर संवाददाता

काठमाडौं, ३० असोज ।

मुम्बई – बाहुबली अभिनेता प्रभासको प्रतीक्षित फिल्म ‘आदिपुरुष’ चर्चामा छ । यो फिल्ममा पहिलोपटक प्रभास, अजय देवगन र सैफ अली खानले स्क्रिन शेयर गर्दैछन् ।

कोरोना भाइरस र लकडाउनपछि निर्माण हुने महंगो भारतीय फिल्मका रुपमा पनि यसलाई हेरिएको छ ।

पौराणिक कहानीमा आधारित यो फिल्ममा प्रभासले भगवान रामको भूमिका निभाउँदैछन् । यस्तै फिल्ममा सैफ अली खानले रावणको र अजय देवगनले शिवको भूमिका निभाउनेछन् ।

खबरका अनुसार यो फिल्म ४ सय करोड बजेटमा निर्माण हुनेछ ।

फिल्मको स्क्रिप्टमा मात्र लामो समय लगाइएको छ । यो फिल्म ३ सय ५० करोडदेखि ४ सय करोडको लगानीमा निर्माण हुने जनाइएको छ ।

यद्यपि यसबारेमा आधिकारिक जानकारी भने दिइएको छैन ।

यो फिल्ममा भीएफएक्सको पनि उत्तिकै प्रयोग गरिनेछ । भीएफक्स बढी गरिने हुँदा फिल्मको बजेट पनि बढ्ने अनुमान गरिएको छ ।

तपाईको समाचार, लेख /रचना वा सुझाव र प्रतिक्रिया भएमा hamrosandesh@yahoo.com मा पठाउनुहोला ।