अन्तरिक्षमा किन पठाइयो कुखुराको मासु ?

रामेछाप खबर संवाददाता

काठमाडौं, २८ असोज ।

आइसल्यान्ड नामक सुपरमार्केट चेनले आफ्नो ५०औं वर्षगाँठ मनाउनका लागि कुखुराको मासु अन्तरिक्षमा पठाएको छ ।

पहिलोपटक यसरी कुखुराको मासु अन्तरिक्षमा पुर्‍याइएको बताइएको छ । पृथ्वीभन्दा ३३ हजार ५२८ मिटरमाथि मासु पुर्‍याइएको हो ।

त्यति उचाइमा पुग्नका लागि दुई घन्टाभन्दा कम समय लागेको थियो ।

आइसल्यान्डको सर्वाधिक लोकप्रिय उत्पादनमध्ये एक कुखुराका मासु माइनस ६० डिग्री सेल्सियसमा यात्रा गर्दै अन्तरिक्ष पुगेको हो । उत्तरी वेल्सको डीसाइड नजिक कम्पनीको मुख्य कार्यालय रहेको ठाउँबाट मासु अन्तरिक्षमा पठाइएको हो ।

अन्तरिक्ष विज्ञहरूको एक समूहले वेदर बलूनमा हाइड्रोजन भरेर मासुलाई अन्तरिक्ष पठाएका थिए ।

त्यसमा भूपउग्रहले ट्य्राकिङ गर्ने सुविधा थियो भने भिडियो फूटेज खिच्नका लागि क्यामरा सपोर्ट सिस्टम पनि थियो ।

उचाइमा पुगेपछि मासु पृथ्वीतर्फ २०० माइल प्रतिघन्टाको गतिमा फर्कियो । यसलाई सुरक्षित अवतरण गराउनका लागि १९ हजार मिटरको उचाइमा प्यारासुट राखिएको थियो ।

एजेन्सी

तपाईको समाचार, लेख /रचना वा सुझाव र प्रतिक्रिया भएमा hamrosandesh@yahoo.com मा पठाउनुहोला ।