अंगदानका लागि रितेशले छाडे मासु र कफी

रामेछाप खबर संवाददाता

काठमाडौँ, २२ असोज।

बलिउड नायक रितेश देशमुखले आफूले अंगदान गर्नका लागि मासुबाट बन्ने परिकार, कालो कफी र ग्यासले भरिएका ड्रिक्सका आइटम खान छाडेको बताएका छन् ।

कौन बनेगा करोडपति शोमा पुगेका रितेशले भने–‘म आफ्नो शरीर स्वस्थ राख्न चाहन्छु । किनकी, जब मेरो अंगदान गर्ने समय आउँछ, सो समयमा मानिसहरुले स्वस्थ अंग छोडेर गएछ भनुन् ।’

रितेशले अंगदानको बिषयमा भने–‘हामी सधै मृत्युपछि पुनर्जन्मको कुरा गर्छौ । तर, यही जन्म कसैको आँखा, कसैको मुटु बनेर रहन किन सक्दैन ? मैले जब जीवनदान ठूलो दान हो भन्ने थाहा पाए, यसपछि यो निर्णय लिएको हुँ ।’

रितेशका अनुसार उनी र उनकी पत्नी जेनेलियाले अंगदान गर्ने निर्णय गरेका छन् । रितेशको यो कुरा सुनेपछि केबीसीका संचालक अमिताभ बच्चनले उनको प्रशंसा गरे । अमिताभले पनि आफूले अंगदान गर्ने प्रतिवद्धता व्यक्त गरेका थिए ।

पूरा भिडियो हेर्नुस र कृपया यो भिडियो सक्दो shere गरिदिनुहोला।