फेरी बढ्यो सुनको भाउ, तोलाको कती ?

रामेछाप खबर संवाददाता

काठमाडौं,१३ असोज।

केही दिनदेखि ओरालो लागिरहेको सुनको मूल्य आज भने बढेको छ। आज प्रतितोला नौ सय रुपैयाँले बढेको हो।

मंगलबार छापावाला सुन प्रतितोला ९४ हजार दुई सयमा कारोबार भइरहेको नेपाल सुनचाँदी व्यवसायी महासंघले जनाएको छ। सोमबार ९३ हजार तीन सयमा कारोबार भएको थियो।

त्यस्तै, तेजाबी सुनको मूल्य पनि नौ सय रुपैयाँले नै बढेको छ। तेजाबी सुन प्रतितोला ९३ हजार सात सय पुगेको महासंघले जनाएको छ। सोमबार ९२ हजार आठ सयमा कारोबार भएको थियो।

महासंघका अनुसार चाँदीको मूल्य प्रतितोलामा २५ रुपैयाँ बढेको छ। आजा एक हजार एक सय ७५ रुपैयाँमा कारोबार भइरहेको छ। सोमबार एक हजार एक सय ५० रुपैयाँ रहेको थियो।