दाङमा करेन्ट लागेर तीन बालबालिकाको मृत्यु

रामेछाप खबर संवाददाता

दाङ, ३० भदौ।

दाङमा करेन्ट लागेर तीन बालबालिकाको मृत्यु भएको छ । दाङको घोराही उपमहानगरपालिका वडा नं. १० उत्तरअम्राइमा करेन्ट लाग्दा सोही ठाउँका ४ बर्षीया रेणुका चौधरी, ८ बर्षीय प्रशान्त चौधरी र ३ बर्षीय अमृत चौधरीको मृत्यु भएको जिल्ला प्रहरी कार्यालय दाङका प्रहरी नायब उपरीक्षक सुमित खड्काले बताए ।

खड्काले स्थानीय एक व्यक्तिको निधन भएको घरमा शुद्धशान्तिकालागि मोटर जोडेर कुलोमा पानी तानिरहेको अवस्थामा सोही पानीमा पौडी खेलिरहेका उनीहरुलाई करेन्ट लागेको जानकारी दिए । उनीहरुको शवलाई राप्ती स्वास्थ्य विज्ञान प्रतिष्ठानमा राखिएको छ ।

तपाईको समाचार, लेख /रचना वा सुझाव र प्रतिक्रिया भएमा hamrosandesh@yahoo.com मा पठाउनुहोला ।