“कपिल शर्माकै अगाडी गरिएको त्यो दु’र्ब्यबहार जीवनभर बिर्सिन्न”: जितु नेपाल

रामेछाप खबर संवाददाता

काठमाडौँ , १६ भदौ ।
चर्चित हास्यकलाकार जितु नेपालले भारतीय कलाकार कपिल शर्माका सामू आफुलाई गरिएको उपेक्षा जीबनमा कहिल्यै नभुल्ने बताएका छन् ।
केही वर्ष अगाडी नेपाल आजले आयोजना गरेको साक्षात्कार कार्यक्रममा बोल्दै उनेले भारतीय कलाकार र आफुहरुलाई गरिने विभेदका बारेमा भावपूर्ण अनुभव साटेका थिए ।

उनले भारतीय कलाकार कपिल शर्मा नेपाल आउँदा आफुलाई बोलाएर पनि आयोजकले नराम्रोसँग उपेक्षा गरेको भन्दै दुःख व्यक्त गरे ।

छ बर्ष अघि(०७१, मंसिर) को तीतो अनुभव साट्दै उनले भने, ‘कपिल घण्टौं ढिलो गरी कार्यक्रम स्थलमा आए । कार्यक्रम शुरु हुंने बेला उनी सुतिरहेको खबर आयोजकलाई आयो ।आयोजकले मलाई पत्रकार बोलाइदिन पर्यो भने । पछि कपिल शर्मा आएपछि उनको छेउमै म बसे । न मेरो परिचय गराइयो न त कपिललाई प्रश्न गर्दा कुनै नेपाली पत्रकारले मलाई प्रश्न गर्यो ।’

मर्दापर्दा नेपालीलाई नेपाली कलाकार नै चाहिने दृष्टान्त दिंदै उनले थपे , ‘मलाई त्यसदिन सारै बैराग लाग्यो । आयोजकले परिचय गराएको भएपनि म केही सहज महशुस गर्थे । पत्रकारले पनि उनै कपिललाई प्रश्न गरे । कार्यक्रम सकिएपछि अब भेटौं भन्दै थिए आयोजकले । मैले धन्यवाद भन्दै हिंडे ।’

जितुले सो दिनको घटनालाई जीबनकै सबैभन्दा पीडादायी क्षणको संज्ञा दिए । कलाकार जितुले भारतीय कलाकार आउँदा देखिने तछाडमछाड र आफुहरुलाई गरिने व्यवहारको पनि तुलना गरेका थिए । उनले ‘हामीले हामीलाई माया नगरेसम्म कस्ले गर्छ’ भन्दै प्रश्न गरका थिए । उनले कपिल शर्मा आउँदा गरिएको उपेक्षापूर्ण व्यवहारका बारेमा भनिरहँदा हलमा सन्नाटा छाएको थियो ।

कलाकार जितुको अनुभव तलको लिंकमा हेर्न सक्नुहुन्छ।

उक्त कार्यक्रम एनसेलले आयोजना गरेको थियो। दशरग रंगशालामा हुने ‘पर्पलफेष्ट’ मा कपिल शर्माले नेपाली दर्शकलाई पेट मिचीमिची हसाँउने र गायक सोनु निगमले पनि आफ्ना विभिन्न चर्चित गीत प्रस्तुत गर्ने बताइएको थियो।

प्रसासनको स्वीकृति नभएको भदै उक्त कार्यक्रम रद्ध भएको थियो। एनसेलले चर्चित कलाकार जितु नेपाललाई मात्र होइन, ग्राहकहरु, अन्य कलाकार, सरकार आदिलाई ठग्ने गर्दछ ।

तपाईको समाचार, लेख /रचना वा सुझाव र प्रतिक्रिया भएमा hamrosandesh@yahoo.com मा पठाउनुहोला ।