सामुहिक बलात्कारको भिडियो सामाजिक सञ्जालमा राखेपछि …

बुटवल।

प्रहरीले सामुहिक बलात्कारको भिडियो सामाजिक सञ्जालमा हाल्ने एक युवालाई पक्राउ गरेको छ ।

२०७३ साल माघ १६ गते पाँच जनाको समूहले मायादेवी गाउँपालिलका–१ पकडीको सिसौबारीमा स्थानीय एक युवतीमाथि सामुहिक बलात्कार गरेको भिडियो सामाजिक सञ्जालमा हालेको भन्दै ती युवकलाई कपिलवस्तु प्रहरीले पक्राउ गरेको हो ।

बलात्कार गर्ने युवाहरुले नै उक्त भिडियो सामाजिक सञ्जालमा राखेको जनाएको छ । सोही घटनाका मुख्य अभियुक्त मायादेवी गाउँपालिका– १ का २१ वर्षीय कलामुद्दिन मुसलमानलाई प्रहरीले पक्राउ गरेको हो ।

जिल्ला प्रहरी कार्यालय कपिलबस्तुका प्रहरी नायब उपरीक्षक (डीएसपी) सुनिल मल्लले फरार कलामुद्दिन मुसलमानलाई सुटुक्क घर आएको बेलामा विशेष सुराकीको आधारमा पक्राउ गरिएको जानकारी दिएका छन् ।

घटनामा संलग्न रहेको आरोपमा मायादेवी गाउँपालिका– १ का २६ वर्षीय राहत हुसेन र २० वर्षीय बब्लु भन्ने अब्दुल रसिद मुसलमान यसअघि नै पक्राउ परेका थिए । बाँकी तीन जना फरार रहेकोमा मुख्य अभियुक्त पक्राउ परेको डीएसपी मल्लले जनाएका छन् ।